Chauffeur di Yaris ta dal ariba palo di lus y door di golpi ta perde memoria

Dialuna anochi prome cu 9′or ta sosode un accidente serio na altura di Centro Kibrahacha. Un Toyota Yaris pa motibo nan desconoci ta dal cu velocidad halto ariba un palo di lus den e bocht dilanti Centro Kibrahacha. Testigo nan a conta cu mane cu nan a wak e Toyota dal nan a bira bin bek. E chauffeur tabata gewoon sinta den e auto, nan tabata puntre si e ta bon. Segun testigonan su reaccion tabata straño, mane cu e no tabata sa kiko ta pasando. Polisnan cu a jega na e sitio a logra haña sa su nomber so. E persona segun nos a compronde no tabata bebi. E chauffeur no tabata sa unda e ta ni kiko e tabata haci den e auto of di ken e auto ta. Posiblemente e sla fuerte durante e imapacto lo a causa cu ela perde su memoria. Ambulance a presenta y ta transporte cu urgencia pa Hospitaal.
Kiko a pasa exactamente no tabata conoci na e momento ey , mirando cu e chauffeur a perde su memoria.