Chauffeur di Pick Up ta ranca palo di lus completo den bocht di Tamarijn

Diasabra marduga pa mas o menos 3'or y 20 na altura di e conocido bocht na Tamarijn un accidente serio ta tuma luga. Polis nan di Sta Cruz ta bay mes ora na e sitio y ta hanja un Pick Up Toyota color bruinmey mey caminda completamente destrui. E cabayero aki segun su version tabata core solamente 60km. Asina mes e la ranca un palo di lus completamente. E palo di luz a cay ariba e auto y machica e dak tambe. Ela hanja un cap so pero nada di gravedad. Ambulance a ser pidi pa presenta na e sitio pa por a controle. Polis di Sta Cruz a keda di pidi Specialista di Trafico mirando cu no ta posibel cu bo ta coriendo 60km y bo ta ranca un palo di lus completo bente leu den mondi.