CAYA BETICO CROES NO TA E HOYA CU AVP A PRIMINTI
OTRO PROMESA KIBRA
CAYA BETICO CROES NO TA E HOYA CU AVP A PRIMINTI
Ya pa aglun luna e gobierno di AVP kier pa tur hende kere cu nan lo desaroya Caya Betico Croes pa un hoya.
Minister Mike Eman y Benny Sievinger a priminti cu Caya Betico Croes lo ta habri pa tur hende hasi nan compras di Pasco den centro di nos cuidad.
Pero nos centro awor mas cu nunca ta parse un campo di guera.
Un lugar yen di lodo cada bes cu awa yobe un tiki.
Klinker nan poni con cu ta. Asfalt basha masha mahos, cu otro siman mester bolbe rcanca.
Esnan cu kier a kere den promesanan di gobernantenan di AVP a forsa pa bai hasi nan compras den Caya Betico Croes, pero a haya nan den un situacion terible. Ora cu awa yobe, e lugar ta keda bow awa, hende mester kita sapato pa cana.
Si awa no yoba bo tin cu wak bon con pa cana, pa bo no trompica cu e klinkernan poni con cu ta. Ya varios persona a cai haya mal sla pa e motibo ey.
Pero unda e promesa mes a keda cu Caya Betico Croes lo keda cla pa hendenan por hasi compras di fin di anja den un dushi ambiente? Otro promesa mas kibra! Ningun hende por a gosa realmente di centro di cuidad, pasobra e lugar no ta cla ni adecua pa tanto fluho di hende.
Pero nan a saca e tram si pa un cori, pasobra cu esey nan kier tira santo den wowo di hende cu nan si a cumpli. Pero loke Mike Eman ni Benny Sievinger a realisa, ta cu poco poco e wowo die Rubiano ta habriendo. E tram cu a pasa un biaha den Caya Betico Croes no tabata e promesa. E promesa tabata cu mescos cu antes, nos por a bai hasi compras den Caya Betico Croes. esey tabata e promesa! Y esey no por a tuma lugar.
E locura di e tram poco poco ta birando realidad, pero mientras tanto nos centro di cuidad a sigi bai atras. Mientras tanto pobresa ta sigi crese y nos pais ta birando mas insigur. E mas klinker y mas asfalt, ni mas tram, lo cambia esaki.
Trackback from your site.
Comments (7)
FRANK
| #
SOPI PURA TA SALI SALU !!!
Reply
Opinion publico
| #
Boso a faya (boletinextra.com) y mester a saka 107 potret ku dia awa a yobe den caya grandi..
Reply
Mepper
| #
Mi madre cu bosonan di boletin TA jaloers, cudishi, envidioso i rabia riba AVP….nada cu AVP haci pa boso no ta bon, pero e cos tristo ta cu BOSO di mep NO por miho!!!! Pesey pueblo a scohe pa AVP goberna i nan lo goberna 4 anja mas pa caba cu nan trabou, paso si boso sinta boso ta bai destrui TUR cos cu AVP a cuminza cune, anto e ora si nos ta zink bai abou…..Dios libra nos di boso MAL maneho!!!
Reply
Mepper
| #
Envidioso, jaloers i cudishi bosonan di mep ta!!!!! Pero AVP tey sinta atrobe!!!! MEP JAMAS!!!!! Nos no tey coba nos mesun graf pa nos cai aden, door di vota pa mep…
Reply
PREFERA NA PIA OF DEN SOLO
| #
UN DESASTER COMPLETO E CAYA TA PARCE LITTLE VINETIA ,UN KE OTRO CALAMAMIDAD UNDA BRANDWEER TA PASA ,ATRACO CON POLIS TA YEGA RAPIDO ,E PACUSNAN CON NAN TA DESCARGA NAN MERCANCIANAN ,TOTALOSS E INFRASTRUCTURA AINDA TIN MAS IRREGULARIDAD ,UN CAYA OTRO ANJA SIN SOMBRA ATALL.,
Reply
mep
| #
Mepper abo lo gusta na traha bo cas bloki mal pega.dak ta basha awa.i cumaterual inferior?ta esey tin hende rabia con lolo nan mane boso ta avepta ki cu ta i ainda defende avp cu alma i cuerpo tambe.
Reply
...
| #
Haha avp nan ta cumpra hende facil..trahando cosnan pa wowo di hnde wak y no bisando e pieblo den cuanto añasnan di debe nan ta hinka pueblo aden
Reply