Caso stranjo di Tiramento na NijhoffStraat,e Victima a scucha e tiro pero no a wak niun hende

Diadomingo anochi pa mas o menos 10′or y 15, central ta dirigi Polis di San Nicolas na Centro Medico unda lo tin un victima di tiramento. Na yegada Polis ta bin topa e victima, e homber J.V.di 42 anja nasi na Rep. Dom cu tabata acompanja pa su esposa. E victima tabatin un herida na su pia cu probablemente ta di un arma di candela y cu lo a kibra su weso di pia na haltura di su kuit. Segun informacion e caso aki lo a tuma lugar varios ora prome dilanti di un cas na Nijhoffstraat.Informe nan cu nos a hanja ta papia cu e meneer aki lo a sali for di un fiesta den dicho caya,y diripiente e lo a scucha mane tiro. Despues ela sinti algo stranjo na su pia,anto asina ela bin realisa cu ta e mes a ser tira na su pia. Na e sitio niun hende no a wak nada,e cabayero tampoco no a wak niun hende. Aki por ta trata di un Drive By Shooting ? E victima a wordo transporta cu ambulance pa Poli na Dr. Horacio Oduber Hospitaal pa operacion.Polis e ora ey a bay na e cas menciona na Nijhoffstraat pa cuminsa cu investigacion. TOD y recherche di San Nicolas tambe a acudi na e sitio pa cuminsa papia cu e testigonan den e caso stranjo aki.