Carubbean Festival a resulta di ta un anochi ameno pa e participantenan di e ‘Cluster Caribe Latino’ di UNESCO
E participantenan di e ‘Cluster Caribe Latino di UNESCO a keda cautiva cu e prome impresion di nos Caha di Orgel ‘Nos Cultura’ di Sr. Mando Feliciano na nan yegada na Carubbean Festival. Sr. Feliciano a duna nan splicacion di con nos caha di orgel ta hinca den otro. E trahamento di nos piesanan folklore riba e cilinder, caminda cu cada cilinder di caha ta contene miles di clabo chikito creando e melodia di nos piesanan musical.
Despues nan a dirigi nan mes pa e tarima central y a keda deleita cu e show cu a ser presenta pa nos artistanan local, di baile, limbo y carnaval.
E marcha chikito di carnaval den caya y ambiente di e turistanan cu mascarada bailando riba tono di nos Asambeho toca pa e brassband a duna un impresion agradabel di nos carnaval.
Un ambiente Caribense cu a duna e participantenan di ‘Cluster Caribe Latino’ pa UNESCO un sintimento calido y a pone nan sinti na cas.
Trackback from your site.
Comments (1)
Buchi
| #
Ta costa e hende nan mucho mas molester tur siman cargando mesa y gasta placa cushina y no bende nada cu participa just pa participa. Ta un man chquito di supporters fanatico politico cu ta bai pa support esnan envolvi. Di bayna ta mira poco turista ey nan. Mi ta kere por gasta e placa di pueblo aki invertiendo den algo otro of un necesidad di pueblo manera hospital of buscando doctor pa Aruba cu bente afo den e forma aki.
Reply