Cada bus nobo costa 300 mil florin y tin 2 danja

(Solo di Pueblo)Tanki di diesel ta chikito… Cada bus nobo costa 300 mil florin y tin 2 danja… Bus di China ta costa casi 50% menos
— Segun documentonan cu a leak den nos postus, nos a bin constata cu
e prijs di cada bus ta cota Afl. 300.000.00. E prijs aki a shock hopi
hende den comunidad, pasobra ta parce busnan cheap y di calidad
barata. E marca mes no ta conoci y ta trata di un bus fabrica cu
materialnan inferior. Desde cu e busnan a subi caminda, varios a danja
caba. A bin resulta
cu nan no ta eficiente, pasobra tanki ta chikito. Hopi pasahero a bisa
nos cu nan a yega laat trabao, pasobra bus mester a pasa tank. Awor
tin ordo cu no ta permiti e chofer bin bek Arubus cu pasahero, pero
mester traha full e ruta, unda cada rato bus tin cu pasa tank. E prijs
di bus cumpra na China ta casi 50% mas barata y asina mes cu ta di
China, tin mihor calidad. Actualmente tin dos bus danja pa mas cu 10
dia. Un dia nan tin un problema cu brake system. Nos a haya un caha di
documento di Arubus di oficinanan masha prominente. Repasando e mas di
100 documento cu nos a haya, nos a dal den net loke nos tin
mester. Nos a haya sa awor oficialmente cu e busnan aki costa Afl.
300.000.00 pa un. Algun experto cu nos a puntra conseho, nan a bisa
nos cu aki ta parce un ripp of formal. Di mas cu e bus aki por bal ta
Us$ 60.000.00 cual lo a land na Aruba
pa Afl. 165.000.00. Dus e compania cu a haci e deal aki a overprice e
Pa colmo de los colmos tin dos bus danja cu tin varios dia sin core.
Nos lo sigui coba den e caha di Arubus. Nos a waak algo parecido di
un pomp pa spaar diesel, cual a wordo bendi na Arubus pa 4 mil florin
y parce cu su prijs original ta $400.00. Nos lo sigui coba den e caha
cu nos a ricibi y ora nos tin tempo lo publica mas cosnan intresante.