Bingo tabata simplemente fabuloso
Den un entrevista cu lider di fraccion di MEP, sr. Eddie Briesen e ta comenta di ta agradecido na tur e sostenedornan di MEP cu a participa na e bingo di diadomingo ultimo. Na e bingo aki manera tur hende presente mes por conta, no tabata tin lugar pa mas hende. Esnan presente por a goza di un tremendo bingo na unda e premionan tabata gordo. Sr. Briesen ta manda palabranan di pabien na esnan cu a gana como tambe na Movemiento Electoral di Pueblo cu a supervisa e bingo aki pa e districto di Paradera. Den e re-organisacion ta moviendo viento en popa. Esaki sigur tabata muestra diasabra di con grandi e bingo aki tabata. Esaki ta un refleho di esnan cu kier a bin pa aumenta nan cartera paso manera cos ta bayendo, manera sr. Briesen ta bisando cu Gobierno aki ta haci propaganda pa un Aruba di cinco strea pero ora e cuenta di coriente, awa, gasoline y comestibles bin, ta strea so bo ta keda mira. Sr. Briesen ta felicita e districto di Paradera y partido MEP pa un grandioso bingo diasabra ultimo.
Trackback from your site.
Comments (1)
OBSERVADOR DI PUEBLO
| #
SIMPLEMENTE BISA, M.E.P. TA GRANDI DI BERDAD. MI TA SUPONE CU TUR CU A BAY TRAS DI E MENTIRA NAN BERDE A BOLBE CAS. NAN A BAY TRAS DI UN ENGANJO DI E LADRON NAN BERDE I AWOR NAN A RIPARA CU NAN A WORDO ENGANJA ATROBE DOOR DI E LADRON NAN BERDE. NOS TA JAMA TUR BON BINI DEN E FILA NAN DI M.E.P. DANKI ARUBA, M.E.P. MES TA E SOLUCION PA CU ARUBA SU SITUACION.
Reply