Bao dirigencia di Boracho, Senjora di 76 anja a wordo horta na Lotto ora di cobra su premio

– Un senjora di 76 anja a keda teriblemente decepciona ora cu na
Lotto pa Deporte, bao direccion di Boracho v/d Berg el’a wordo horta
den dia cla.
Ta asina cu e senjora aki a cumpra su Lotto na un kiosko na San
Nicolas. A bin resulta cu e senjora tin 4 cifra corecto pa cual el’a
bay cobra su premio. Ora el’a yega oficina di Lotto, nan a page 50
florin. E senjora di 76 anja cu no tabata sa mihor, a accepta e premio
y a bay su cas. Ora el’a find out cu algun hende cu sa mas di Lotto, a
bin resulta cu e senjora mester a cobra 500 florin.
Despues di algun dia ta yama Lotto, el’a haya un afspraak. E senjora
wordo acompanja pa un otro senjora y nan a bay na oficina di Lotto.
Aki Boracho ta bin cu papel pa asina laga nan firma y a paga nan e
diferencia di e placa, esta 450 florin cu tabata falta. Kico esaki ta
? Con mester considera e acto aki? Fraude cu fondo di Lotto? Con por
hustifica cu ta paga un premio di 500 florin pa 50 florin? Cuanto caso
mas tin dje forma aki? Kico e procedura ta anto?