Auto ta keda completamente destrui den accidente na Jaburibari,pero ocupante nan ta desaparece

Diahuebs rond di 12′or mey anochi Polis y Ambulance ta bay cu urgencia pa noord di Parke Curason na Jaburibari. Melding lo a drenta di un accidente hopi serio y cu te hasta tin hende benta ariba caminda. Ambulance ta esun cu ta jega prome na e sitio, pero no ta hanja ningun hende na e Dodge Neon completamente destrui. Segun testigo nan cu tabata patras di e auto aki, nan a wak e ta core roekeloos y a bay pasa auto. Pa su mala suerte net tabata bin trafico contrario y ela bay trata na drenta bek pero no ta logra y ta dal ariba e palo di luz. Un impacto hopi duro mirando con e auto a keda y articulo nan cu tabata den e auto a spart tur rond. Brandweer a ser pidi tambe mirando cu e auto tabata hole kima. Segun comentario nan na e sitio e persona nan aki lo mester a hanja un of otro sla interno, mirando con paden a keda di e auto. Stranjo tambe ta cu no a hanja niun rastro di sanger. Polis Brandweer y personal di Ambulance a rondea e area pa wak si nan ta hanja hende pero sin resultado. Lo tabata trata di dos cabayero cu lo a bandona e sitio mes ora. Dos persona a ser senjala ta cana bay zuid dilanti Parke Curason un di nan tabata solamente den un short,posibilidad ta grandi cu ta e dos persona nan envolvi den e accidente. Kiko ta e motibo cu nan a bandona e sitio tampoco ta conoci,e auto su plachi number tampoco ta cuadra.

SONY DSC

SONY DSC

SONY DSC

SONY DSC

SONY DSC