Atraco arma riba un pareha Hulandes cu tabata transportando bastante plaka den nan auto.

Diahuebs mainta ta sosode un atraco arma den becindario di Douane kantoor riba L.G. Smith Boulevard, un pareha makamba transportando un suma basta grandi di plaka den nan auto, ta ser atraca pa dos homber color scur cu tabata arma. E atracadornan no a logra bay cu e sako grandi di plaka. E dos atracadornan a bandona e sitio riba un Scooter Chikito (Gilera) shinishi, nan a bay direccion di Madiki pero e trafico tabata hopi druk y a perdenan for di bista. E pareha bon spanta a bay para banda di Valero Boulevard, caminda nan a topa cu e recherchenan di atraco team. Tambe polis a hala atencion di e pareha, paso no ta segur pa transporta sumanan grandi di plaka den auto particular awendia, e ta forma un peliger pa nan mes y tambe pa otro cu ta riba caya mirando cuanto atraco arma ta sosodiendo ultimamente. E caso aki ta den man di Atraco Team.