Atraco ariba RBC Bank na Palmbeach , arma pisa lo a ser usa un biaha mas

Diabierna un rato prome cu 1 'or di merdia, 3 persona arma ta tira un atraco riba RBC Bank na Palm Beach. Nan ta drenta banco y ta exigi plaka, nan ta logra bay cu basta plaka cuanto exactamente no ta conosi ainda y tambe nan a bay cu un tas di un cliente cu tabata den banco na e momento di atraco. E tres personanan ta sali cu nan botin for di banco y aparentemente mester a lansa algun tiro, paso varios huls a ser dilanti y banda di Caribbean Store. E atracadornan ta huy den un Daewoo Racer Blanco A 12989, nan ta bay direccion pa nort y den e caminda un tiki mas ponort di tera nan ta laga e auto aki atras y ta subi den un supuesto pickup cual marca ta desconosi. Den e Daewoo Racer Blanco tabata tin varios panja di cama cu tabata banja di gasolin, aparentemente e intencion di e atracadornan tabata pa kima e auto pero pa un motibo of otro nan no a logra sende e auto na candela. Polis y autoridadnan concerni a bay na e banco pa hasi mas investigacion, tambe personal di ambulance a presenta pa duna asistencia na e personanan cu a experiencia e atraco brutal aki. E atraco arma aki ta den man di autoridadnan concerni pa mas investigacion.