Chauffeurnan di Arubus a pone trabou abou , pa mustra nan disgusto

Diabierna merdia algun trahado di Arubus a pone trabou abou , mustrando asina nan disgusto cu loke ta pasando eynan.
Segun nos por a compronde di esnan para pafo , cu algun dia caba nan ta mandando trahado cas . E motibo ta segun nan ta sigi conta nos , e systema nobo cu nan a introduci lo no ta cuadra cu e caha. Dus e "teller" segun e Direkteur no ta cuadra cu loke e placa cu ta drenta den caha. Asina ey e Directeur ta acusando nan di verduistering , dus probablemente cu nan lo ta mishi cu placa.
Tin trahado cu a jega e Diabierna mainta cla pa traha , y nan ta wordo jama paden pa papia y bisa cu nan mester bay cas pa motibo ja menciona.
Mas o menos un 20 empleado ta ser acusa di mishi cu placa. Segun e empleado nan , nan a avisa e Direkteur cu e teller den Bus ta fayo , pero aparentemente nan lo no a haci caso.
Tin empleado trahando 4 aña y otro 17 aña cu a ser manda cas.
Na e sitio nos por a wak Sra Magaly Brito y tambe Sr Edmundo Marlin cu a bin pa pone nan mes na altura di loke tabata pasando eynan.
Empleado nan na dado momento a blokia ambos entrada pa niun Bus por sali.
Presencia di Polis a ser pidi tambe.

E caso aki lo bira sigur uno hopi interesante , ora tin acusacion nan serio mane esun aki contra mas o menos 20 empleado.