Diamars mainta pa mas o menos 11'or di mainta ta sosode un accidente serio na altura di PriceSmart. Polis ta bay cu urgencia na e sitio. Den e accidente aki tres persona ta keda herida, un di nan un criatura. E Honda Crv ta subi e caminda direccion pa Airport , posiblemente e no ta calcula e Kia Rio biniendo di pariba. E Kia Rio ta dal e pa despues kita bay na su man links. Den e Kia Rio un dama joven ta keda seriamente herida ora cu e stuur wiel di e Kia ta dal e den pecho . E criatura cu tabata hunto cu ne tambe ta haña golpi. Ambos door di impacto ta bay dal den e windshield. E parti cu a hala atencion di tur hende ta cu e Kia Rio un auto nobo no tin airbags of no ta bin cu airbags. Algo cu nos lo mester confirma cu e Agencia. E señora den e Honda CRV cu ta hopi mas aña biew ambos airbags a sali. E señora ta haña un golpi fuerte ariba su wowo robes. Ambulance mester a usa full un otro technica pa saka e señora for di auto . Algun miembro di Brandweer di post eynan a sali y juda tambe. En total ta presenta tres Ambulance na e sitio . Tambe mes ora nan a pone Poli na altura di e situacion di e heridos nan.