COLEGIO SAN NICOLAS
PREPARANDO PA SCOL HABRI

Recientemente nos minister di enseñansa a anuncia cu ta cuminsa cu un HAVO-school nobo den dia na San Nicolas. Esaki ta encera cu loke antes tabata un sucursal na San Nicolas di Colegio Arubano, despues di 35 aña ta bira un scol riba su mes. Temporalmente e HAVO-school aki yama Colegio San Nicolas.

Entre tanto e personal di Colegio San Nicolas ta den pleno preparacion pa e aña escolar nobo. Inscripcion ya a tuma lugar pa e klasnan di CB1, HAVO-4 y HL1. E cuerpo di docente a keda completa, e gran mayoria di buki ya ta na scol y e debido control ta tumando luga den e lokaalnan pa asegura cu Colegio San Nicolas por ta completamente operacional awo cu scol habri.

Tur alumno di Colegio San Nicolas a ricibi via e-mail un carta pa informa nan di tur loke nan tin cu prepara pa e aña escolar nobo. Pesey ta pidi tur alumno pa controla nan e-mail constantemente. Den caso cu nan no a ricibi niun mail, nan por tuma contacto cu Colegio San Nicolas na 584-6800 of via colegiopariba@gmail.com pa nan haya esaki ainda. E carta ta encera informacion tocante horario di scol, uniform, comportacion y klas.

E alumnonan di e klasnan CB1, CB2, H3 y V3 por pasa diabierna dia 10 di augustus 2012 na Colegio San Nicolas pa recoge nan bukinan. Boekenfonds ta habri di 9or di mainta pa 1or di merdia. Pa por ricibi e bukinan e alumno mester acudi cu un medio di identificacion y e comprobante di pago di buki. For di aki ta pidi cada alumno pa e trece un tas grandi pa e por hiba tur su bukinan. E alumnonan di H4 y HL1 ta ricibi nan bukinan den e simannan cu ta bin.

Prome dia di scol ta dia 15 di augustus 2012. Tur alumno mester ta na Colegio San Nicolas pa 7.45am caminda cu nan lo conoce nan demas coleganan di klas, nan mentor y nan rooster. Tambe riba e dia aki lo tene e apertura oficial di e aña escolar. E prome dia di scol ta termina pa 10.45am pa facilita e docentenan hunto haci e ultimo palabracionnan tocante e schema di actividad pa e aña escolar 2012-2013. Dia 16 di augustus les ta cuminsa pa 7.45am y ta sigui conforme rooster di cada alumno.

Colegio San Nicolas ta spera cu tur alumno ta disfrutando di su dianan di vacacion escolar y cu pa dia 15 di augustus tur di nan lo ta yen di animo y bon motiva pa cuminsa cu e aña escolar.

Recientemente Minister di Enseñansa a anuncia e inicio di HAVO-4, tanto e trayecto di 2aña (H4-H5) y di 3aña (L1-L2-L3) na Colegio San Nicolas pa e aña escolar 2012 – 2013.
E prome 3 dianan di inscripcion ya ta tras di lomba. Un gran cantidad di alumno cu a caba MAVO-4 cu exito y tambe varios alumno cu mester ripiti HAVO-4 a acudi na Colegio San Nicolas pa inscribi of pa busca informacion.
Pesey mes, mirando e acogida di e oportunidad nobo pa sigui HAVO-4 na Colegio San Nicolas, scol ta sigui brinda e oportunidad pa inscribi riba dianan 9-10-11 di juli proximo.
Tur alumno cu un MAVO-4 diploma of cu mester ripiti HAVO-4 por acudi na Colegio San Nicolas, aunke kisas a inscribi caba na un otro scol. Por pasa libremente pa haya mas informacion y/of pa inscribi. Horario di inscripcion ta di 9or di mainta pa 2or di atardi.
Pa informacion of inscribi despues di e fecha menciona por yama na 584-6800 pa traha cita of manda un mail na colegiopariba@gmail.com.
Pa inscribi mester trece:
* ID
* carchi di AZV
* ‘uitreksel van het bevolkingsregister’ di Censo (5 florin)
* prueba di pago
* MAVO-diploma of ultimo H4-rapport.
Ta haci uzo di e espacio pa desea tur alumno y studiante tambe dushi dianan di vacacion.

(e.g. Bon tardi, Mi a purba manda un relato ecuanto e launching di e website di we love students riba e email cu tin pone mas ariba esta news@boletinextra.com pero esaki no a logra)

Thank you.
Best Regards

Tin un otro email cu mi lo por manda esaki?

Danki di antemano.

Saludos,

Gilliany Oduber
We Love Students
002975601651