Aangifte a wordo haci na lands recherché contra minister Dowers y contra e 4 ambtenaarnan

Abogado Anthony Ruiz a comenta durante su conferencia di prensa cu ta di lamenta cu algun cosnan a pasa cu su cliente y no ta normal pa trata un cliente asina. A haya documentonan cu fecha despues di 30 di November den e inzage dossier cu ta implica pues cu e openbare aan besteding no a bay na un manera transparente y no a bay na un manera husto mirando cu dia 30 di November tabata e deadline pa entrega bo documentonan pues bo no por entrega bo documentonan despues. Pa colmo dia cu Calloway a entrega su documentonan ta 4 documento el a entrega. Awor bop or mira un stapel di documentonan entrega cu fechanan despues di dia 30 di November. Ademas tabata tin ambtenaarnan cu a haci un huis bezoek na un bedrijfs bezoek na su cliente na unda cu a bay traha un advise cu tin boshi gañamentonan serio den dje cu minister posiblemente lo a usa pa nenga e destaho publico na sr. Croes. Pa e motibo aki a cuminsa un kortgeding cu a wordo entame siman pasa y ta bay tuma lugar dia 27 di di February mainta pa 9:30’or no solamente contra gobierno di Aruba sino tambe contra Calloway pa motibo cu den nan parecer tur dos lo ta complice di e acto ilicito aki contra su cliente paso imposiblemente abo no sa cu ta dia 30 mester entrega bo documentonan siendo cu den e file tin documentonan despues di e fecha deadline. A cuminsa un caso y riba dje pa motibo cu a mira cu tin gañamento den e advies cu a wordo traha pa e ambtenaarnan y e manera straño con e destaho publico aki a tuma lugar, sr. Croes a dien in un keho penal contra minister Dowers y contra e 4 ambtenaarnan of arbeids contractantennan cu a traha riba e openbare aanbesteding aki di KIA pa motibo cu no ta normal na manera cu a traha un advies gañando riba sr. Croes, manipulando cu informacion cu a conduci posiblemente cu minister a dicidi otro. No sa si a haci esaki den opdracht of kizas nan a haci’e di Buena fe pero en todo caso aangifte a wordo haci na lands recherché contra minister Dowers y contra e 4 ambtenaarnan aki y awor sr. Ruiz ta supone cu Ministerio Publico tin cu bay dicidi si tin base suficiente pa cuminsa un procedura di vervolging contra minister Dowers y e cuater personanan aki. Kizas tin mas persona meti cual no ta na su conocemento pero en todo caso, esey a wordo haci segun abogado Anthony Ruiz.