Segun Fraccion di MEP tin por lo menos 10 factor pa vota contra e projecto di Urirama.
Diahuebs awor 31 di januari parlamento lo trata e projecto di Urirama den un reunion publico. MEP a pidi e reunion aki na mei 2012, 8 luna pasa. Na juni MEP a manda pidi documento, relaciona cu promesa di Mike Eman pa hala e molinanan 150 meter lew di kapel di Alto Vista. Pero te dia di awe no a ricibi e documentonan ey. Den November y December 2012 e fraccion a hasi diferente pregunta por escrito na Gobierno, cu te dia di awe no a haya contesta tampoco. Manera cos ta pinta ya AVP ta decidido caba cu e proyecto aki MESTER bin, y no kier scucha nada otro. Tanto Mike Eman como Mike de Mesa a indica bon cla cu gobierno ta determina pa sigi cu e projecto y no ta importa nada otro. Mike Eman ta trapa riba interesnan di e miles di habitante di Noord, sin importa nan preocupacion y nan dolor. Es mas Gobierno a mara tur desaroyo y resultadonan financiero na e projecto, entre otro e presupuesto di pais Aruba. Loque tabata na duda ta si algun parlamentario di AVP lo tin curashi pa bai contra e projecto. Pero nos a mira un senjal manda caba pa fraccion di AVP cua direccion nan lo bai y AVP a manda e mensahe cu cualkier decision ta aceptable y hustificable. Partido MEP no ta di acuerdo cu esaki y ta kere cu tin por lo menos 10 factor pa vota contra e projecto di Urirama.
1 Factor Salud: No tin ningun estudio cu ta exclui e riesgo y peligro pa salud di hendenan.
2. Factor Naturalesa: Ta destrui naturalesa sin tin motibo valido y sin cu e ta berdaderamente necesario.
3. Factor Economico : Declaracion di WEB ta segura cu e projecto lo NO benificia e pueblo cu energia mas barata.
4. Factor Financiero: No tin ningun garantia cu e projecto no ta bai costa e pueblo ningun cen.
5. Factor Cultural : E projecto ta bai contra e deseo di e pueblo pa mantene e vecindario di e Kapel di Alto Vista intacto manera e ta historicamente y originalmente.
6. Factor Religioso : No ta tene cuenta cu e sentimiento religioso di e pueblo.
7. Factor Turistico : No tin ningun garantia cu e projecto no ta bai afecta turismo di Aruba tanto pa loque ta toca e Kapel di Alto Vista y e hotelnan den cercania.
8. Factor Huridico : No tin espacio den leynan actual pa por duna permiso pa hasi cualkier cambio cu e naturalesa y construi ey banda.
9. Factor Democratico : A compromete un pueblo cu un projecto cu e no ta desea, sin aplica principionan di bon gobernacion.
10. Factor Internacional : Tur caminda di mundo ta stop cu projectonan asina manera na Hulanda, Tweede kamer, a pone un paro na projecto di molinanan di biento.
Partido MEP ta spera cu e miembronan di parlamento reflecciona ariba e factornan menciona y hunto pone un paro na un projecto cu claramente no ta na beneficio di Aruba. MEP ta invita pueblo di Aruba pa asisti na Parlamento diahuebs 31 di januari durante tratamento di e reunion publico desde 9 or di mainta.
Trackback from your site.
Comments (5)
PISCADOR95
| #
Factor Naturalesa:Dia cu e casnan di pueblo a wordu traha,no ta tin ningun consideracion pa cu naturalesa:dikon awor si e ta conta????
Factor Salud:scientificamente no a wordu comproba cu molinanan di biento lo ta danjino pa cu salud di hende….Dikon Bosonan no ta bai kampeer 24 ora largu na un distancia di 500m. di e molinanan na Vader Piet??E ora ey Bo por papia.
Reply
S OLE
| #
PISCA BAY BUSCA OXTAILS SUTABO CU WUBBO BO COMMENTARIO SIN PIA MENOS MI CABES LOLI AWA ,BO PARTIDO CHRISTIAAN ANTI CREDO BAY HOGA PA COOL .
Reply
PISCADOR95
| #
S. HOLE,BO “Commentario “” ta refjeha BO grado abou di intelligentsia.Ta tristu cu MEP ta incapaz di tene un discussion riba nivel ora nan ta bin cu factornan fofo……
Reply
PISCA LOLO
| #
BO SA KIKO TA TRISTO?
KU DEN DOS ZIN BO TIN 8 SCHRIJF FOUTEN
TAMBE KU BOSO PARTIDO TA CORRUPTO, LADRON, PRO HOMOSEXUAL, ANTI CHRISTIAAN, GANIADO,
KAYA GRANDI DESASTER, WEBBO OXXEL, E DEAL KU PETRO CHINA TA DEN KEDA KLA, HORTA HENDE BELASTING, STUDIANTE NAN NO A HANIA NAN PLAKA NA TEMPO, DIKON? AWO KU ELECTION TA DEN PORTA AVP KIER BIN PASA ARUBA UN FASTBALL, KU PDVSA.
NO KIER DUNA SUBSIDIE NA FPNC, UN HALA DI CHOLLER COORDINADOR TA GANA YEN DI PLAKA, MINISTER MOJA LA CANOA, DEO ATRACO DOOF POT, AWO PA COLMO MA TENDE CUENTI HENDENAN DEN CULTO KIER BENDE NAN BUKI KU SCHOOLNAN? I TA DUNA BO GOBIERNO CURSO??????????? AH TA ASINA??? BEERPUT!!!
Reply
VAYA VAYA
| #
NOS PRESTIGIOSO PARTIDO MEP NUNCA NO A SALI CULPABEL PA TA GANJADO PA UN MAHISTRAL DEN LEY DICTA SENTENCIA CU BO PARTIDO TA CORUPTO I GANJADOR AWOR KIKO BO ARGUMENTO TA REFLEHA LADRON DI PAN KITA FOR DI MESA FOR DI POBER CRIATURANAN CU PLAKA DI PUEBLO ENBES BO YUDA PROHIMO E CHIKITIN TA PASA DRUMI HAMBER DOOR DI BO I PARTIDO, BO COMMENTS NAN LOLO DI AWA BO NO TIN BERGUENSA SI TA BO YUI TA PASA DEN MISERIA !
Reply