xjm a

Si tur cos tabata ‘koek en ei’ entre Aruba y Hulanda, nos no mester introduci un organo di supervicion financiero na nos Pais

Written by boletin on . Posted in Local, Politica

Parlamentario mr. Xiomara Ruiz-Maduro:
E siman aki a sali na cla cu nos Pais danki na e mal maneho financiero di Gabinete Eman ta wordo poni bou di curatela di Reino (lesa Hulanda). Minister Yrausquin di biaha a sali desmenti e noticia aki bisando cu no ta berdad cu lo tin supervision di Hulanda, pero si lo bin supervision di un organo di Aruba mes. Awor si tur cos ta ‘koek en ei’ entre Aruba y Hulanda, pakiko mester introduci un organo di supervicion financiero na nos Pais?

read more
image

FIRMAMENTO DI E CONTRACT CU ARELLANO TA CONTRA E BON CONSENSHI, ORDEN PUBLICO Y INTERES GENERAL DI NOS PUEBLO

Written by boletin on . Posted in Local, Politica

Parlamentario Glenbert Croes referente Hospital:
Firmamento di contract cu Compania Arellano pa e construccion di Hospital nobo ta contra e principionan di Bon Consenshi di nos Pueblo, contra e reglanan di Orden Publico y contra Interes General di nos Pueblo. Esnan cu a firma e contract cu Arellano ta comentiendo un Crimen contra nos Patria dor di pone e Projecto di Hospital asina importante pa nos Pueblo pasa pa un Projecto di e Gobierno di AVP cu lo ta den sombra di Infamia, marca pa corrupcion y escandalo.
Fraccion di MEP awe a entrega e TENDER EVALUATION REPORT na Prensa envista cu no a yama e reunion publico di Parlamento cu nos a pidi desde 7 di Februari ultimo. Unda claramente e Compania Frances Bouyges di mas renombre y trajectoria claramente a gana e bid pa su prijs 42 miyon florin mas abao y barata, pero envista cu a hunga un wega sushi pa duna Compania Arellano cueste loke cueste cu na nos opinion tambe ta e motibo berdadero dikon tambe e compania Ballast Nedam a hala atras for di e proceso di bid. Den e TENDER EVALUATION REPORT e compania frances Bouyges ta gana e scoring paso su bid ta mas abao y cu un GMP Guaranteed Maximum Price esta sin contingency/meerwerk. Despues e Comishon di evaluacion ta duna Arellano miho score paso e compania Arellano a anuncia adelanta cu nan SI lo tin contingency/meerwerk ademas di e hecho cu e compania Arellano su bid ta esun di mas caro.
Apesar di tur advertencia cu Fraccion di MEP a manda pa Gobierno di AVP y Minister Dr. Alex Schwengle pa nan haci un Independent Audit/Evaluacion independiente den interes di garantiza cu e procedura cumpli cu principionan importante di: 1. PROCESO DE DEBIDO PA UN DESTAHO PUBLICO y 2. SEGUN E NORMA DI TRANSPARENCIA ABSOLUTAMENTE NECESARIO ORA TA TRATA PROJECTO CU MESTER TUMA LUGAR CU PLACA DI NOS PUEBLO, toch a procede na firma cu Contratista Arellano. Apesar cu avisa di e problemanan grave cu MIAMI CHILDREN’S HOSPITAL tawata tin cu contratista Arellano, cu e conseho di Baptist Hospital riba Arellano tawata negativo, Gobierno di AVP a procede na firma e contract cu Contratista Arellano.
Fraccion di MEP lo denuncia e autornan di e manipulacion aki na Controlaria General/Algmene Rekenkamer, Gobernador di Aruba y nos lo pone nos dossier disponible pa Ministerio Publico. Gobierno di AVP y su Grupito ta sigi plunder e futuro di nos Pueblo y esaki ta un projecto mas di nan cu lo pasa pa e capitulo infamia, marca pa corrupcion y escandalo minando asina garafalmente e importancia di e projecto di Hospital Dr. Horacio Oduber cu ta asina importante pa nos Pueblo. Finalmente nos ta reta tur esnan den Gobierno di AVP, Comishon di Evaluashon, SOGA/AIB, Infra-Team y Hospital cu no ta di acuerdo cu e forma di proceder cu e projecto aki cu e compania Arellano pa denuncia esaki publicamente. Silencio ta haci bo compleci, nos mester para firme pa asina salba e Destino y Porvenir di nos Pais.

read more
acgb014

Riba peticion di PDR: lo transmiti reunion special di Parlamento referente studiantenan di medicina den regio

Written by boletin on . Posted in Local, Politica

Riba peticion di mr. Andin Bikker di PDR, diahuebs atardi 3or lo transmiti via Parlamento TV un reunion special (“bijzondere bijeenkomst”), den cual Prof. dr. A.J. Duits lo bin duna un splicacion riba con na hermana isla Corsow a yega na un solucion pa reconocimento di diploma di studiantenan cu a studia medicina den regio, entre otro na Costa Rica. Manera ta conoci, na Aruba tin un grupo grandi di studiante cu a haya Arubalening pa bay studia medicina den regio, entre otro na Costa Rica y Colombia, pero nan ta wordo confronta cu nan diploma no ta wordo reconoci aki na Aruba. Pues nan ta pasa dificultad pa haya trabow na nan propio isla y tin di nan a haya nan obliga di bay traha na entre otro Corsow. PDR a bin ta tratando pa basta tempo caba na yega na un solucion pa e grupo di studiantenan aki y na 2012 a hasta entrega un ley di initiativa pa cu esaki. Pesey PDR ta invita tur interesado pa sintonisa Parlamento TV diahuebs atardi pa 3or.

read more
cartera bashi

Si gobierno di AVP no a malgasta tanto placa di pueblo, no mester a tuma medidanan asina inhumano y pisa awor

Written by boletin on . Posted in Local, Politica

Un pueblo den dolor ta sclama cu nan no por mas:
No tin suficiente palabra pa describi e situacion financiero economico penoso y desastroso cu nos pais ta pasando aden na e momento aki. Un situacion tristo y deplorable cu a bin ta aumenta desde cu partido AVP a asumi gobernacion na final di 2009. Hecho ta cu durante e ultimo 4 añanan partido AVP den nan delirio di poder a masacra henter e structura y organisacion di nos pais, caminda por mira con den tur sector desaroyonan alarmante ta tumando lugar, e.o. den enseñansa, salubridad publico, husticia, social, labor y pa no papia mes di economia y finanzas publico. Durante e ultimo 4 añanan e gobierno di AVP a malgasta placa di pagadornan di belasting den forma nunca bisto, e.o. na e tantisimo viahenan di placer di e ministernan y tur e placa di pueblo hinca den propaganda pa nan partido politico. Tur sorto di contract y MOU a ser firma cu a costa y ta costando nos pais miyones y miyones di florin, e.o. e contractnan cu Wubbo Ockels, e team di futbol Sparta, Carbon War Room di Richard Branson, TNO, Rietveld Academie y e pago di huur na e edificionan di e dos institutonan Hulandes aki.
Deroche di placa di pueblo
Un gran cantidad di Green Conference a ser organisa, caminda te hasta a paga pa un solo orador, un suma di mas cu 500 mil dollar. Alabes Gabinete Eman desde comienso caba a emplea entre 700 pa 900 coordinador y pensionado super bon paga pa traha rond di ministernan y di cual mayoria di nan no tin suficiente ekipahe intelectual. Ministernan di AVP kendenan den nan infancia no a yega di hunga cu trein y tram a yega na e idea di locura di bin cu un Tram y cual proyecto tin un costo di mas cu 60 miyon florin, pero cu awe tur comerciante ta sclama cu e tram no a trece ningun rendimento pa centro di ciudad. E gobierno di Mike Eman tambe ta bay den historia como e gobierno di klinker y asfalt cu no tin ningun clase di prioridad, ya cu den e casnan caminda dilanti klinker y asfalt a wordo basha, stoma di e muchanan indefenso ta ronca henter dia. Asina por sigui cu un lista largo di tur e malgastamento di placa di pueblo door di e ministernan di Gabinete Eman. Un gobierno cu no kier sigui conseho di instancianan internacional manera IMF, Standard & Poor’s y Fitch, awe ta para dilanti di e debacle di siglo di nos finanzas publico. Pero pa Mike Eman esaki no ta ningun problema, ya cu su filosofia di bida ta cu e financiamento di tur e locuranan aki por wel di sigui door di bay djis un tiki mas den rood. Un expresion iresponsable di un promer mandatario cu mester fungi como ehempel pa comunidad.

read more

un urina a coste problema.. ela wordo banja cu awa y casi corta

Written by boletin on . Posted in Local

Un homber a pidi intermediacion di polis banda di Ladies Choice. E homber a bay urina tras di un casita di coriente y diripiente ela sinti awa ta cay for di halto riba su lomba. E homber a reacciona gritando: bay den conji bo mama. Diripiente dos homber a cana bin riba dje y uno a saca un cuchui y tabata dale cune y tabata zwaai e cuchiu riba dje. Polis a tuma nota y algun rato despues polis a detene e Dominicano cu tabata zwaai cuchiu. 

read more
DSCN4992

Torneo di Piscamento for di e barancanan di Malmok tabata un exito total

Written by boletin on . Posted in Deporte, Local

E asociadonan di La Cabana Beach Resort & Casino a ocupa e barancanan di Malmok den fin di siman ultimo, disfrutando di un torneo clasico di piscamento, acompaña pa musica y colegialidad. Ekiponan manera e Happy Hookers y e Bite Me Team a yega na e sitio den e oranan trempan di anochi, carga cu nan hengel, aas bibo, y flashlight, prepara pa un anochi di diberticion, organisa pa e comision social sumamente creativo y activo. Aunke cu nan no a gara hopi pisca, toch nan a pasa sumamente dushi.

read more
JayJay 3rd Birthday (1)

Fiesta di Smurf pa celebra 3 añitos di JayJay

Written by boletin on . Posted in Local, Social

Recientemente a tuma lugar un celebracion familiar hopi great mes pa celebra e di 3 cumpleaños di Jean-Dwayne Joris Jorderick Ramos Hernandez cariñosamente jama JayJay. E celebracion a tuma lugar cu e tema di SMURF den e bario di Sabana Basora den compania di Mami Rosana, famia y amistades. Kerekentenchi Party Explosion a sa di anima un y tur presente cu fabuloso weganan pa grandi y chikito. Pabien un biaha mas na JayJay cu su di 3 añitos.

read more

Presidente di Parlamento ta sucumbi pa precion di ministernan y ta cancela e reunion di dump na Sabanilla Abou

Written by boletin on . Posted in Local, Politica

Un hende cu no ta para banda di Pueblo no por bira Ombudsman
Diaranson mainta Parlamento di Aruba mester a reuni cu Minister de Meza y Minister Sevinger riba e dump cu Gobierno kier pone na Sabanilla Abou. E reunion aki a wordo pidi pa Fraccion di MEP for di basta dia caba, pero Presidente di Parlamento no tabata tin fin di yama esaki. Sinembargo diamars atardi e parlamentarionan a wordo notifica cu e reunion a keda cancela te cu proximo aviso. E motibo cu a ser duna ta e peticion di e Minister de Meza y Minister Sevinger pa cancela e reunion debi cu e reunion ta den conflicto cu nan agenda cu den e dianan aki ta yena cu reunion riba e presupuesto di 2014 cu te ainda no tin fin di keda cla. Imagina bo un reunion yama for di 10 april y te dia 15 april atardi, algun ora promer cu e reunion mester tuma lugar, e ministernan ta manda carta pidi pa cancele y di biaha e Presidente di Parlamento ta duna ok tambe pa cancela. Di e manera aki e ministernan no ta demostra niun clase di respet na Parlamento. Di otro banda, e Presidente di Parlamento ta mustra cu e no ta para banda di Pueblo, pero ta prefera di sucumbi pa e precion di e ministernan y ta core cancela e reunion pa acomoda e agenda di e ministernan. E mester keda bon cla, cu un hende cu no por para banda di Pueblo den e funcion di Presidente di Parlamento, tampoco lo por bira defensor di Pueblo den e puesto di Ombudsman na nos Pais. Di un defensor di Pueblo bo ta expect cu e sa di para banda di su Pueblo y no sucumbi pa precion di otro

read more
IMGP0020

Paciënt di Dokter ta bira agresivo den consultorio

Written by boletineExtra on . Posted in Local

Diaranson mainta Polis di Noord ta bay un consultorio di Dokter pariba di Hospitaal. Na e consultorio di Dr Gonzales Diaz un patient pa un of otro motibo lo a bira bastante agresivo. Polis na su jegada a conbersa cu esnan presente y a tuma tur datos, y lo sa unda e persona aki ta biba. Aparentemente e Dokter lo ta pensa di entrega un keho contra e persona aki.
IMG_5538

SETAR ta trahando pa e cas futuristico cu servicionan cu lo facilita e cliente su bida

Written by boletin on . Posted in Local

Durante un conferencia di prensa, Sr. Roland Croes, director di SETAR a papia encuanto di e tecnologia moderno cu SETAR ta brinda pa e cliente futuristico. E acceso na bo programacion di bo servicio di cable y tambe informacion di bo programanan faborito por ta accesibel awor for di bo Ipad. “Nos ta trahando tur dia pa asina por sigui brinda nos clientenan, e servicionan futuristico cu ta haci nan bida mas facil. Awor bo por tin acceso na bo programa faborito na un manera remote via bo ipad y graba of wak bo programanan faborito.”
Sr. Croes a bisa cu SETAR ta contento di anuncia cu hunto cu e introduccion di e TotalGuide xD tambe ta bin un gran cantidad di canalnan nobo riba e channel lineup di SETAR Cable Services. Den e canalnan nobo aki ta inclui un cantidad di mas di 20 canal High Definition (HD), pa asina cliente por disfruta mas ainda di e bon calidad di audio y imagen. Cu esaki e cantidad di canal HD ta pasa 40.
Sr. Croes a subraya cu canal 24 a bira e canal di television Univision, cu ta un di e mihor canalnan den e mercado latino na Merca. E ta un canal interesante cu ta pasa diferente serie, telenovela, deporte, comedia y mucho mas.

read more
turtle buscando un tent pa traha su neishi

Campamento a cuminza y temporada di Driekiel tambe ta “on”!

Written by boletin on . Posted in Local

E ultimo tres siman seis neishi di turtuga Driekiel a wordo poni na Eagle Beach door di tres diferente turtuga hembra.
Voluntarionan di Turtugaruba (Fundacion arubiano pa e proteccion di turtuga di laman) a marca e neishinan cu e barricadanan cora-blanco pa proteha e webonan.
Ta possible cu mas neishi lo wordo poni durante e temporada di campamento.
Algun anja pasa un Driekiel a sali den dia durante campamento. El a busca e privacidad di un tent pa traha su neishi….. Normalmente nan ta subi anochi of madruga, anto si bo ta drumi dushi den bo tent i bo ta scucha un zonido stranjo….un turtuga….?..yama Turtle Hotline mes ora!
Turtugaruba ta spera cu tur hende ta respeta e neishi.
Riba e barricadanan tin un borchi cu info. Mayornan, por fabor splica bo yunan chikito cu no por lesa ainda cu nan no mag drenta e barricadanan.
Despues di 60 – 70 dia e turtuganan chikito lo bai sali.

read more
Bingo Poster-1_20140416125004904 (1)

Club Kibrahacha 60+ cu un Bingo exitoso

Written by boletin on . Posted in Local, Social

Club Kibrahacha 60+ ta sumamente gradicido na tur persona cu a acudi y participa y tur cu a yuda haci e Fundraising Bingo di dia april 12 un exito rotundo. Mencion special ta bay na boluntario, studiantenan di EPI y grupo SISS, cu a traha masha duro mes e anochi en cuestion y sponsornan cu a yuda haci e bingo aki posibel. Club Kibrahacha 60+ ta aprecia y ta agradecido cu semper e por conta cu ayudo di comunidad di Aruba.
E anochi a bay den un ambiente masha ameno y dushi. Hopi hende mes a participa cu e bingo. Tur e bon preparacion di antemano a haci cu e weganan a cana smooth y e premionan cu a wordo gana, a wordo ricibi cu un alegra inmenso. Tur hende ya caba ta pura pa e siguiente bingo.
Comunidad di Aruba y tur cu a yuda por ta sigur cu e fondonan recauda lo haya un bon destino na Club Kibrahacha 60+, caminda a lo largo tur e alrededor di 300 miembronan, y futuro miembro, lo beneficia di esaki.
Club Kibrahacha 60+ ta un club specialmente pa 60 plussers activo di Aruba y cu ta desea di keda activo pa hopi tempo mas of pa 60 plussers cu un tempo tabata activo y cu pa un of otro motibo a cay atras den esaki y ta desea di recupera esaki atrobe. Den otro palabra, e ta un club sumamente interesante pa tur 60 plussers cu ta desea di keda y/o bira activo, fisicamente y social. Ta hopi importante pa nos hiba un bida saludabel. Movecion, comemento saludabel y un bida social activo ta forma parti integral di un bida saludabel y ta un escogencia cu nos tin di haci. Club Kibrahacha 60+ ta cla pa brinda bo un man y yuda bo den e escogencia aki.
Di dialuna pa diabierna ta ofrece diferente servicio y actividad manera Move cu Femmie, Dance Fit, Chi Cu Cha, Energietraining, Yoga, Smovey y Thera Fit. Tambe tin den cura un Yalp disponibel pa haci diferente ehercicio. Tin un Internet Café cu WiFi, caminda tambe por tuma les di uzo di computer. Tin posibilidad pa haci obra di man, tuma les di pintura, ta organisa regularmente diferente actividad y hopi mas. Den caso cu no tin transporte, Club Kibrahacha 60+ por ofrece e servicio aki. Cu un pago mensual di solamente Awg 25,- pa persona, por haci uzo di tur e posibilidadnan cu Club Kibrahacha 60+ ta ofrece.
Pa mas informacion por tuma contact cu Club Kibrahacha na number di telefon 582-8159 of por pasa personalmente na Piedra Plat 23. Por bishita nos website tambe of “like” nos facebook page.
No laga bo edad controla bo bida. Tuma control. Laga bo bida controla bo edad!

read more
IMG_5479

Ganadonan di campaña di LAN Airlines cla pa biaha pa Colombia

Written by boletin on . Posted in Local

Nan a adivina cu e oficina di benta lo ta situa banda den Rockefellerstraat
Hopi hende a participa den e campaña aki riba Facebook

LAN Airlines tabatin un tremendo campaña cu a dura un siman completo. Pa participa pa gana un biahe pa Colombia, mester a subi e pagina di Facebook di Aruba Airport Authority, Aruba Tourism Authority of di bo agencia di biahe preferi, Maduro Travel Aruba, Jasaba Representaciones, Discovery Travel, ALDO Travel y Ruiz Travel. Ey mester a “Like y Share” e campaña andando di LAN y adivina unda e oficina di benta lo ta situa.

read more
DSC_9830

ATIA su seminario “People Management” enberdad a surpasa tur expectativa!

Written by boletin on . Posted in Local

Diasabra ultimo ATIA a tene su exitoso seminario riba “People Management” conhuntamente cu Medwork, Personnel Services, HBN-Law y Monica Kock & Partners.
Cuater topico di suma importancia a wordo trata cu tawata: Maneho di conflicto na pia di trabou; Ausencia pa motibo di malesa; Uso di droga y alcohol; Productividad laboral.

read more
image

E LEY DI BELOODSING TA NECESARIO PA PROTEHA NOS PAIS, APA Y TAMBE PA PONE REGLANAN PA LOODSNAN

Written by boletin on . Posted in Local, Politica

Parlamentario Glenbert Croes:
Fraccion di MEP a sostene e ley di beloodsing cu a wordo trata den Parlamento 15 di April ultimo, pa asina cu cumpli cu e meta cu ancra den e ley di Loods for di anja 1937 cu no a keda formalisa ora cu Aruba a haya su Status Aparte 1 di Januari 1986. E meta di e ley ta pa limita e aansprakelijkheid/liability di Pais Aruba, APA/Havenbeheerders en caso cu dor di negligencia grave di un loods un accidente/incidente pasa den nos wafnan/awanan territorial. Tambe e ta pone e tarea, autoridad y responsabilidad den man di Gobierno/ Direktie Scheepvaart y APA pa na Aruba nos sigura cu nos tin Loodsnan den servicio cu haya e miho opleiding posibel pa asina limita e posibilidadnan cu accidentenan por pasa cu consequencianan di claims contra nos Pais y APA. Tambe e ley di Beloodsing aki nos ta mira necesario envista cu APA kier yega na un cooperacion cu ASTEC pa operacion di nos wafnan cu nos di Fraccion di MEP ta sumamente critico riba dje pero esey lo wordo atendi den cuadro di un otro Ley cu lo ta proximamente na Parlamento pa wordo debati.
Fraccion di MEP a enfatisa e hecho cu ta necesario pa nos tin un Direktie Scheepvaart di Aruba fortifica den su structura, personal y plan pa futuro pa asina tene cuenta cu retonan nobo premira pa futuro. Den nos awanan territorial e trafico naviero ta bai aumenta dor di exploracion di gas y tambe dor di e plannan di Gobierno pa stimula un industria di actividadnan offshore di trasciegado/bunkering entre otro. Den cuadro di esaki e ta bira aun mas necesario un Direktie Scheepvaart cu ta funccionando optimalmente.
Fraccion di MEP cumpliendo cu nos deber di traha den interes general di nos Pais y nos Pueblo a duna finalmente nos aprobacion na e Ley di Beloodsing, Nota di Cambio y Amienda presenta.

read more

MARISOL LOPEZ TROMP TA CANCELA REUNION DI DUMP NA SANTA CRUZ

Written by boletin on . Posted in Local, Politica

Diaranson atardi laat presidente di parlamento a notifica cu e reunion publico planea pa awe, diaranson, pa trata e tema di dump na Santa Cruz a keda cancela. Supuestamente pasobra e ministernan tin otro cos di hasi. Y pesey e presidente di parlamento a sucumbi pa nan precion. Cosnan ta hopi tenso den gobierno, y por spera problema un rato pa otro. Ta hopi campanjado di AVP a wordo kita di trabou, o a perde contract, y pa evita tension bai halto, ta core pospone reunionnan dificil asina, y pueblo mes ta wordo hala un banda. Tristo, pero e gran berdad di partido AVP cu no tin interes di nos pais na pecho!

read more
IMGP00052

Empleado nan di luga di seguro ta scucha un explosion y despues coriente a bay.

Written by boletineExtra on . Posted in Local

Diaranson mainta pa mas o menos 8:40 Brandweer y Elmar ta bay na un cashi di coriente den Dominicanessenstraat. Esaki ta situa net pariba di Citizen. Empleado nan di dicho compania a scucha un sonido manera un explosion den e cashi grandi di coriente pafo, y coriente a bay. Personal di Brandweer hunto cu personal di Elmar a controla e kashi, pero no por a detecta e fayo di biaha. Aparentemente lo por ta trata di un fuse.

Toko Winklaar posiblemente retira di TeleAruba

Written by boletin on . Posted in Local

Informacion drentando awe tardi ta bisa cu contract di Toko Winklaar lo no a wordo renoba dor di Gobierno di Avp. Toko Winklaar pe ultimo dos anjanan a keda nombra como director via su nv. Den wandelgang tin bisa cu Toko lo no a satisface Gobierno o Setar y como tal lo kier pone un otrk director.
Den fin di siman varios hende serca di Mike Eman a wordo yama pa wordo ofreci e puesto. Sinembargo hopi a nenga! Sinembargo lo keda busca uno cu por sigui instruccion politico di Avp.
Varios nomber a wordo menciona pero nos ta tene esaki pa awor mientras nos ta investigando.
Tur cos ta mustra cu Toko mes kier keda, pero Mike Eman a duna ordo cu no ta renoba su contract.

read more
XRM

Retiro di empleado na Belastingdienst y Douane ta muestra cu Minister de Meza a maluza e institutonan aki pa haci politica

Written by boletin on . Posted in Local, Politica

Parlamentario mr. Xiomara Ruiz-Maduro:
E siman aki un grupo grandi di persona a haya tende di nan retiro for di Belastingdienst y Douane. Un noticia tristo sigur pa esnan cu nunca a biba pensa cu nan por a perde nan trabou di un dia pa otro. Algun persona tabata tin basta aña ta traha na e institutonan aki, pero tin un grupo tambe cu recien a haya trabou promer cu eleccion. E retiro di e grupo di persona aki ta muestra cu nos ex-Minister di Finanzas de Meza a maluza e institutonan aki pa haci politica.

read more
Victoria Efferen $5.040

Hyatt Regency Casino a reparti mas di $59,000 den dos siman

Written by boletin on . Posted in Local

Den solamente dos siman di tempo, algun prijs grandi a wordo reparti na esnan cu ta bishita Hyatt Regency Casino. Aki por mira algun di e ganadornan cu a bin disfruta y a gana:
Ronald McCaslin a gana $3,600 den solamente 15 minuut na e machine di Triple Diamond.
James Sclavunos a gana $2,400 den 40 minuut na e machine di Poker.
Douglas Martino a gana $3,000 na e machine di The Phantom of the Opera cu un bet di unicamente $10.
Victoria Efferen a gana $5,040 den 10 minuut hungando na e machine di Famous 777.
George Konis a gana $5,015 den 10 minuut hungando na e machine di Famous 777.
Jim Curran a gana $7,785 hungando na e machine di Quick Hit machine with only a $2 bet.
Greg de Troia a gana $5,000 cu un bet di $10 den solamente 15 minuut hungando na e machine di Famous 777.
Richard Rinaldi a gana $6,595 hungando na e machine di Quick Hit cu un bet di solamente $2.

read more
10246470_1483907328490079_4977143993004211475_n

Kerekentenchi Party Explotion a explota fiesta di Shaqion

Written by boletin on . Posted in Local

Recientemente a cumpli su prome añito e prins di cas Shaqion Fransisco Webb. El a celebra su dia cu un bunita Hot Wheels Party. Ela celebra su dia hunto cu mami Soraya su wela Jolanda tanti Deseri pepe Karo y pepe Sobella y ompi Ivy y momo Jairo tambe cu su primita nan Kiandrah Zaylis y Kaira y su brother Quenten. E fiesta a wordo anima pa Kerekentenchi Party Explotion.

read more
10155044_616402801776819_1066932539335911055_n

III Green Education Symposium Aruba 2014 un exito completo!

Written by boletin on . Posted in Local, Politica

Biblioteca Nacional Aruba un biaha mas ta organiza un exitoso evenemento.
Di 7 pa 11 di april, Biblioteca Nacional Aruba a organiza e III Green Education Symposium Aruba 2014 na Cas di Cultura na unda e alumno- i maestronan di 18 scol secundario i educacion avansa di Aruba a haya e oportunidad unico pa participa durante e simposio educativo, cual e aña aki a hiba como tema: “Distribucion di Cuminda Sostenibel”.
E III Green Education Symposium Aruba 2014 a conta cu presencia di diferente oradornan local y internacional na unda e alumno- i maestronan a ricibi informacion for di e profesionalnan aki den nan respectivo ramo di estudio, trabao i investigacion.
Esaki ta pa di tres aña consecutivo cu Biblioteca Nacional Aruba ta organisa e Green Education Symposium. E simposio educativo di e anja aki tawata mas grandi cu nunca, pero mesun exitoso i educativo cu e dos anjanan anterior.
Riba e prome dia di e GES III, esta dialuna, e alumno- i maestronan di Filomena College, La Salle College, Instituto Pedagogico Arubano i Colegio Arubano, a conta cu e presencia di Minister di Educacion, Maneho di Famia i Educacion di Adulto, sra. Michelle Hooyboer – Winklaar kende den un forma interactivo a elabora riba e produccion di agricultura i horticultura sostenibel na Aruba.
Durante e GES III di diamars, e alumno- i maestronan di Juliana School, Mon Plaisier College y Maria College tabata presente den Cas di Cultura. Minister di Turismo, Transporte, Sector Primario y Cultura, sr. Otmar Oduber, a pone infasis riba e formanan inovativo pa planta na cas. Minister Oduber a expresa su amor i orguyo pa cu e sector primario di nos pais i a segura tur e alumno- i maestronan cu como Minister di Sector Primario su persona lo sigui lucha pa engrandese un biaha mas e ofishi di plantamento. Minister Oduber a mustra riba tur e benificionan cu plantamento ta trese cune, algo cu sigur a hala atencion di tur esnan presente den Cas di Cultura.
Diaranson no tawata tin ningun mandatario presente durante e simposio educativo, pero e alumno- i maestronan di Juliana School Dependance (Hato), Het Schakel College, Politie Opleiding Instituut, International School of Aruba, Ibero-American High School i Abraham de Veer School a sinja masha hopi mes di e beneficionan di agricultura sostenibel.
Diahuebs a toca turno na Minister di Asuntonan Economico, Comunicacion, Energia y Medio Ambiente, ing. Mike de Meza pa dirigi palabra na e alumno- i maestronan di EPB Oranjestad, EPB Oranjestad Dependance Sta. Cruz, EPB Sanicolas i John Wesley College, unda cu Minister de Meza a elabora riba e forma exagera cu hendenan awendia ta consumi cuminda. Minister Ing. de Meza: “Hendenan hopi biaha ta consumi loke cu nan kier i no loke nan curpa mester” Minister ing. de Meza a expresa durante e simposio educativo.
Pa sera e grandioso evenemento di e III Green Education Symposium Aruba 2014, e alumno- i maestronan di E.P.I. tabatin e honor pa por conta cu presencia di Promer Minister di pais Aruba, mr. Mike Eman kende a expresa su orguyo pa cu Biblioteca Nacional Aruba, Departamento di Agricultura, Cria i Pesca, Bureau Innovatie i IBiSA kende pa medio di e evenemento aki ta stimula y concientisa e hobennan riba e importancia pa planta nan propio berdura i frutanan na cas.
Despues cu e mandatarionan a hiba palabra durante full e siman, e alumno- i maestronan presente a haya presentacionnan interactivo for di Directora di Departamento di Agricultura, Cria y Pesca, sra. Nathalie Maduro, e representantenan di WEB N.V., ing. Elthon Lampe di N.V. Elmar, ir. Patty Portier di IBiZA, ing. Johannes Lankester di Hulanda i sr. Taino Heinze di AquaMares. E alumno- i maestronan tambe a haya e oportunidad pa mira diferente videonan manera “Nos Cunukero di antanjo, nos historia” presenta dor di Biblioteca Nacional Aruba, “Let’s Grow” presenta dor di Green’S’Cool hunto cu Bureau Innovatie y e video “Un Cunukero, Un Piscado, Un Plato” presenta dor di e chef reconoci di Aruba sr. Urvin Croes di “White Modern Cuisine”.
E alumno- i maestronan a haya e oportunidad pa bishita un exposicion di agricultura na unda nan por a mira e tankinan di Aquaponics, structura di Apicultura, haya informacion di Biblioteca Nacional Aruba y haya informacion di IBiZA. E studiante- i maestronan tambe por a sera conocir cu productornan local i e productonan di tera.
Biblioteca Nacional Aruba ta extende palabranan di gradicimento na Departamento di Agricultura, Cria y Pesca, Bureau Innovatie i IBiSA kendenan a traha hunto cu Biblioteca Nacional Aruba pa hasi e III Green Education Symposium Aruba 2014 un exito total. Tambe un danki di curazon ta bai pa e sponsornan esta SETAR N.V. como mainsponsor, W.E.B. N.V., N.V. Elmar, Utilities Aruba N.V., De Palm Tours, Bucuti & Tara Beach Resort i Fantasy Tours. E III Green Education Symposium Aruba 2014 di Biblioteca Nacional Aruba a tuma lugar bao maneho di Director di Biblioteca Nacional Aruba, sra. Astrid Britten. E coordinacion di e simposio educativo tawata na encargo di funcionario di Biblioteca Nacional Aruba, sr. Ronny R. Alders.

read more
Gov bezoek 5

Museo Arqueologico honra cu bishita di nos Gobernador

Written by boletin on . Posted in Local, Politica

Recientemente, Museo Arqueologico a ser honra cu un bishita di Su Excelencia, Gobernador di Aruba. Su Excelencia a pasa mas cu dos ora di bishita den e Departamento Cientifico unda e arqueologonan y asistentenan di arqueologo a duna un splicacion amplio di nan trabounan di investigacion cu ta ser haci como tambe di trabou cu ta forma parti di investigacion pa estudio di PhD.
Personal di e Departamento Cientifico a conta Gobernador tocante diferente hayazgo di e ultimo añanan. Pa medio di algun tecnica di investigacion Su Excelencia mes por a experiencia con ta haci algun parti di investigacion den e laboratorio. Despues a sigui cu un guia den e deposito unda a duna Gobernador un splicacion detaya di e manera di conserva materialnan arqueologico.
Pa e arqueologonan y asistentenan di arqueologo tabata un grato sorpresa cu despues di e parti oficial di e bishita Gobernador a sinta un rato mas cu nan pa intercambia su experiencianan personal riba e tereno di arqueologia, historia y di viahenan den exterior cu el a haci unda el a bishita museonan y sitionan arqueologico.
Museo Arqueologico ta hopi agradecido pa e interes grandi den arqueologia cu Su Excelencia a demonstra. E bishita di Su Gobernador tabata uno hopi inspirativo pa e team di Museo.

read more
GDP

Pakico AVP ta haci tanto show cu un supuesto crecemento economico?

Written by boletin on . Posted in Local, Politica

Te cu awe Gabinete Mike Eman no a logra surpasa e record GDP di 4.9 biyon florin na 2008
Diariamente un y tur por scucha gobernantenan di AVP ta manipula mente di pueblo bisando cu nos economia a crece substancialmente desde cu nan a asumi gobermacion na final di 2009. Tur dia e e gobernantenan aki y cu Mike Eman na cabes ta vocifera cu nan a haci un ‘Bon Trabao’ durante e ultimo 4 añanan y cu esaki nan kier haci como sifuera cu bao Gabinete Oduber nada positivo a sosode riba tereno economico. Sinembargo – awor cu e cifranan oficial di 2013 di Banco Central ta conoci pa un tur – lo ta bon pa para un rato keto y haci un comparacion di e indicadornan GDP (Gross Domestic Product) y GDP per capita, tanto durante Gabinete Oduber IV como Gabinete Mike Eman 1.
Record GDP bao Gabinete Oduber
Riba e prome grafico nos por mira e desaroyo di nos GDP (e produccion total di nos pais) durante 2006-2013. Aki claramente por mira cu na 2008 (Gabinete Oduber) nos pais a conoce e GDP di mas halto, un record durante e ultimo decadanan, esta di 4914 miyon florin, esta mas cu 4.9 biyon florin. Esaki ta un cifra cu a crece for di 2005 caba y bin ariba.
Pa haci e comparacion mas visible nos ta mira cu e cifra di mas halto di GDP cu Gabinete Mike Eman a logra te cu awor ta apenas 4634 miyon florin na 2013 y cual ta 280 miyon florin menos cu e GDP di 2008. Pues nos di MEP te ainda no por caba di comprende dicon e politiconan di AVP ta gaba tur dia cu ta nan a logra desaroya e economia di Aruba exitosamente, siendo cu for di 2008 caba nos pais a conoce un record hamas visto pa loke ta nos GDP.

read more
XRM persconf

Minister Eman mester duna ehempel y reduci su gabinete di 9 pa 7 minister promer cu castiga Pueblo cu retiro di trabou y medida

Written by boletin on . Posted in Local, Politica

Parlamentario mr. Xiomara Ruiz-Maduro:
Den e dianan aki hopi ta esnan cu ta traha den e aparato publico cu a recibi nan carta di retiro bisando cu no lo prolonga nan contracto mas cu Gobierno di Aruba. E medida aki a bin despues cu a bira bisto cu no tin placa pa por paga tur e trahadornan nobo cu Gabinete Eman a hinca den e aparato publico. Minister Yrausquin a cuminsa cu e racha di kita hende for di trabou na Belastingsdienst y na Douane, siendo cu na otro departamentonan di Gobierno carta a yega pa e diesthoofden reduci e cantidad di contractant cu 50%. Locual cu hopi a comenta ta e hecho cu Minister Eman mes kende ta e promer yama pa reduci gasto mester a duna ehempel y reduci su gabinete di 9 pa 7 minister.

read more

Juan David a sali urgente pa Hulanda pa entrega pida di nos Status Aparte

Written by boletin on . Posted in Local

Ayera por a sigi noticia y show di AVP kitando y desviando atencion di pueblo riba realidad cu ta tumando lugar. Juan David kende na 2012 nos por a corda a vota contra presupuesto di pais Aruba y na December di mesun anja a vota pro un presupuesto supletorio. Ta con serio Bo por ta. Awor Juan machete a cuminsa zwaai pa loko mandando un cantidad di contractant cas. Esakinan mayoria nan voto a wordo cumpra cu un contract pero asabiendo cu nan lo kita nan despues di 6 luna. Asina AVP ta enganja pueblo. Awor Juan David a Sali na careda pa Hulanda pa bay firma e sentecia di Aruba esta lo bin un un raad van toezicht. Un tipo di CFT manera tin na Corsow kisas cu un otro nomber. Ta di diahuebs santo 2013 Mike & Mike a firma e protocol aki na Hulanda entregando parti di nos status aparte.Awor ta toka Juan David pa firma y hasi esaki un realidad. Pueblo hasta cuando nos lo mester wanta e mentiranan di AVP. Captain the ship is sinking y ainda tin hende ta bati man. Aruba e siman aki lo ta na luto!!!

read more